1
மீண்டெழுந்த இரவுகளில்
மாண்டுபோன கனவுகள்
மாறுதலைத் தேடித்தேடி
மர்மங்கள் பலகண்டு
காய்ந்துபோன காலங்களில்
ஓய்ந்துபோன நேரமென
தீர்ந்தழுத தீர்வுகளால்
அடையாளம் காணாதுபோன விதைகள்
இன்னும் மீளத்துடிக்கிறது
மீண்டும் அந்த இரவுகளில்!
(வெட்சி - 2018)
2
ஆதரவு இழந்த ஏடுகள்
அடையாளம் காணாது கிடக்க
அவிழ்ந்துபோன என் கால்கள்
அந்தரமாகத் தொடங்கின
மண்ணகன்ற சோலை
மாரழைத்தபடி மந்திரம் பாடியது
மாலை வண்ணம் மனமழைக்க
ஏடு அவிழ்ந்த கோடுகள்
நிழல் அவிழத் தொடங்கியதும்
அவிழ்ந்துபோன கால்களாலேயே
அவிழ்ந்துபோனது என்ஏடுகள்
(மார்ச் - மே 2019 பருவஇதழ்)
3
வேர் தொலைத்த கனவுகளுக்கு வண்ணம் பூச
ஈரக்குருதிகள்
கற்பனைக் களத்தில் புலம்பிக் கிடக்கின்றன
கருவுற்ற நினைவுகள்
குருதியின் வாசனையில்
முறிந்த விழுதுகளாய்க் கிடக்க
உணர்வுகளை மீட்டெடுக்க
குருதிகளுமில்லை, நினைவுகளுமில்லை
கனவுகள் மட்டும்
ஏதோ ஒரு களத்திற்காக
மிச்சமாகியே கிடக்கிறது
கருத்துகள் இல்லை:
கருத்துரையிடுக